लेक लाडकी योजनेंतर्गत राज्यातील गरीब व आर्थिकदृष्ट्या दुर्बल घटकांतील मुलींना आर्थिक साहाय्य प्रदान करून त्यांचे शिक्षण व सक्षमीकरण सुनिश्चित केले जाते.

📌 मुख्य वैशिष्ट्ये:

• लाभाची रक्कम: एकूण ₹१,०१,०००/- खालीलप्रमाणे टप्प्याटप्प्याने DBT च्या माध्यमातून थेट लाभार्थी मुलींच्या बँक खात्यावर हस्तांतरित केले जातात.  
  • जन्माच्या वेळी: ₹५,०००/-
  • इयत्ता पहिलीत प्रवेश घेतल्यावर: ₹६,०००/-
  • इयत्ता सहावीत प्रवेश घेतल्यावर: ₹७,०००/-
  • इयत्ता अकरावीत प्रवेश घेतल्यावर: ₹८,०००/-
  • वयाच्या १८ वर्षे पूर्ण झाल्यावर: ₹७५,०००/-

✅ पात्रता निकष:

• मुलीचा जन्म १ एप्रिल २०२३ नंतर झालेला असावा
• कुटुंबाकडे पिवळे किंवा केशरी रेशन कार्ड असावे 
• कुटुंबाचे वार्षिक उत्पन्न १ लाखापेक्षा कमी असावे
• मुलीचे पालक महाराष्ट्राचे स्थायी रहिवासी असावेत
• दुसऱ्या प्रसूतीनंतर जुळ्या मुली जन्माला आल्यास, दोन्ही मुलींना योजनेचा लाभ मिळू शकतो, परंतु पालकांनी कुटुंब नियोजन शस्त्रक्रिया केलेली असावी.
  
  

✅आवश्यक कागदपत्र :

• मुलीचे जन्म प्रमाणपत्र
• मुलीचे व पालकांचे आधार कार्ड
• पिवळे किंवा केशरी रेशन कार्ड
• उत्पन्न प्रमाणपत्र (तहसीलदार किंवा सक्षम अधिकाऱ्यांकडून)
• मुलीचा पासपोर्ट साइज फोटो
• बँक खाते तपशील (पासबुकची झेरॉक्स)
• शैक्षणिक टप्प्यांवर लाभासाठी संबंधित शाळेचा दाखला

📝 अर्ज प्रक्रिया :

• ऑफलाइन – अर्जदारांनी जवळील अंगणवाडी केंद्र, जिल्हा कार्यक्रम अधिकारी कार्यालय, जिल्हा महिला व बाल विकास अधिकारी कार्यालय, किंवा जिल्हा परिषद कार्यालयात संपर्क साधावा.
• ऑनलाइन – womenchild.maharashtra.gov.in
• अर्जाची पडताळणी केल्यानंतर, पात्र लाभार्थ्यांच्या बँक खात्यात लाभाची रक्कम जमा केली जाईल